لجميع الحراقة لي فإسبانيا: كيفاش تستافد من المساعدات الإنسانية (الطبيب,الماكلة,السكن)

لجميع الحراقة لي فإسبانيا: كيفاش تستافد من المساعدات الإنسانية (الطبيب,الماكلة,السكن)

الا كنتي من الحراقة اللي دخلو مؤخرا لإسبانيا, هذا كيعني أنك باقي بوجادي بدون خبر أو بمعنى آخر باقي ما حافضش السرابس ديال الحراقة

متخافش في هذا المقال غادي نعطيك المعلومة اللي غادي تحتاجها , وخا هاد المعلومة كاين اللي دوز بزاف دالوقت فاسبانيا غير باش يعرفها وهنا فين كيبان الفضل ديال الانترنيت

كيفاش يمكن للحراق باش يستافد من المساعدات

أول حاجة غادي تديرها من بعد فاش توصل هو تريح تستاراح بعدا من العيا من بعد غادي تتوجه ل servicios  sociales

servicios  sociales   هو مركز للخدمات الإجتماعية كيقدم المساعدات لجميع الناس لي في وضعية صعبة

و كايعاون الحراقة اللي بلا وراق  و الناس لي طالبين اللجوء

واش خاصني نقول ليهم راني حراق؟

من الأحسن تقوليهم كلشي, عاود ليهم قصتك و أنك غير حراق متقدرش تلقى خدمة

نصيحة: متقولش ليهم راني ساكن مع شي عائلة , علاش ؟   

فإلى كانت هاد العائلة مدخولها الشهري أكثر من 700 يورو هدا كيعني أنهم محرومين من الساعدات و بما أنهم كيتكتفلو بيك بالتالي تانتا مغاديش تستافد من هاد المساعدات الإنسانية , لهذا من الأفضل تقول ليهوم ساكن معا الأصدقاء متنساش تقوليهم بان هادوك الأصدقاء كذلك غير مهاجرين و الحالة المادية ديالهم ضعيفة

بحالاش هاد المساعدات لي كيقدمها هاد المركز؟

يمكن ليك تسافد من الخدمات الطبية, وغادين يعطيوك كارطة ديال الطبيب

كما يقدرو يعاونوك فالسكن أي يقدرو يخلصو ليك الكرا الى كنتي مزوج و عندك الولاد

كذلك تقدر تستافد من المساعدات الغدائية